یا نبی ﷺ سلام علیکآنکھ میں خاک شفا ہو دل سوئے طیبہ چلا ہو آیا جب وقت قضا ہو ورد لب صل علی ہو

یا نبی ﷺ سلام علیک___!

◆ــــــــــــــــــــ۩۞۩ـــــــــــــــــــــ◆

آنکھ میں خاک شفا ہو 
دل سوئے طیبہ چلا ہو 
آیا جب وقت قضا ہو 
ورد لب صل علی ہو

یا نبی سلام علیک
 یارسول سلام علیک
یا حبیب سلام علیک 
صلوٰۃ اللہ علیک

ہائے کیا مجھ پہ ستم ہے 
دل مرا محو الم ہے 
 کیجیے امداد آقا
 اب نکلنے کو یہ دم ہے

یانبی سلام علیک 
یارسول سلام علیک
یاحبیب سلام علیک 
صلوٰۃ اللہ علیک

بارش لطف و کرم ہو
 دور تکلیف و الم ہو 
ہم غریبوں کا سہارا
 اک تمہیں شاہ امم ہو

یانبی سلام علیک 
یارسول سلام علیک
یاحبیب سلام علیک
 صلوٰۃ اللہ علیک

بے خطر اب اہل الحاد 
کر رہے ہیں ہند برباد
بے کسوں کی سن لو فریاد
 بابری مسجد ہو آباد

 یانبی سلام علیک 
یارسول سلام علیک
یاحبیب سلام علیک 
صلوٰۃ اللہ علیک

مانا مجرم ہوں سراپا 
لیکن آقا ہوں تمہارا 
اپنے دامن میں چھپا لو
 مر نہ جاؤں غم کا مارا

یانبی سلام علیک 
یارسول سلام علیک
یاحبیب سلام علیک
 صلوٰۃ اللہ علیک

خواب غفلت سے اٹھا دو 
سوئی امت کو جگا دو 
ظلم حد سے بڑھ گیا ہے
 دست امداد اب بڑھا دو

یانبی سلام علیک
 یارسول سلام علیک 
یاحبیب سلام علیک

صلوٰۃ اللہ علیک

قلب کو کیسے ہو تسکین
 خون سے تر ہے فلسطین
مسجد اقصی بچانے
 آؤ آؤ اے شہ دین

یا نبی سلام علیک 
یارسول سلام علیک
یا حبیب سلام علیک
 صلوٰۃ اللہ علیک

دستگیرا شاہ کوثر 
بہر خلاقِ پیمبر
ہو تری چشم عنایت
 اس جسیم قادری پر

یانبی سلام علیک 
یارسول سلام علیک
یاحبیب سلام علیک
 صلوٰۃ اللہ علیک

◆ــــــــــــــــــــ۩۞۩ـــــــــــــــــــــ◆
از قلم:- محمد جسیم اکرم مرکزی