کیا دنیاوی عورتیں جنتی حوروں سے افضل ہیں؟

 (سوال نمبر 4)
کیا دنیاوی عورتیں جنتی حوروں سے افضل ہیں؟
۔۔۔۔۔۔۔۔۔۔۔،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ کیا دنیاوی عورتیں حوران جنت سے افضل ہیں ؟
شرعی رہنمائی فرمائیں جزاک اللہ خیرا کثیرا
سائلہ:- یاسمین فاطمہ کانپور انڈیا
۔۔۔۔۔۔۔۔۔۔،۔۔۔۔۔۔۔۔۔۔۔،،۔،۔۔۔،۔۔۔۔۔،۔۔۔۔۔۔۔۔۔
نحمدہ و نصلی علی رسولہ الکریم
وعلیکم السلام ورحمتہ اللہ وبرکاتہ
الجواب بعونہ تعالیٰ عز وجل 
مذکورہ صورت میں جنت میں حوروں سے افضل مقام نیک صالح عورت کو حاصل ہوگا مرد کو حوریں ملیں گی تو نیک مرد کی نیک بیوی ان حوروں کی سردار ہو گی 
جیسا کہ حدیث پاک میں ہے کہ 
حضرت ام سلمہ رضی اللہ عنھا سے روایت ہے میں نے عرض کیا اے اللہ کے رسول صل اللہ علیہ وسلم ! یہ فرمائیے کہ دنیا کی خاتوں افضل ہے یا جنت کی حور ؟ "
آپ صلی اللہ علیہ وسلم نے فرمایا " دنیا کی خاتون کو جنت کی حور پر وہی فضیلت حاصل ہو گی جو ابرے (باہر والا کپڑا) کو استر (اندر والا کپڑا ) پر حاصل ہوتی ہے۔

(طبرانی مجمع الزوائد الجز ء العاشر ،رقم الصفحہ (418-417)

واللہ اعلم ورسولہ اعلم باالصواب

◆ــــــــــــــــــــ۩۞۩ـــــــــــــــــــــ◆
کتبتہ:- کنیز گلزار ملت قادری شہر کانپور انڈیا
17/1/2024

◆ــــــــــــــــــــ۩۞۩ـــــــــــــــــــــ◆
تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی سوال و جواب ضلع سرہا نیپال
17/1/2024