کیا حائضہ یا نفساء عورت غسل میں فرج خارج اور فرج داخل دونوں دھوئے گی یا نہیں؟

 (سوال نمبر 3) 
کیا حائضہ یا نفساء عورت غسل میں فرج خارج اور فرج داخل دونوں دھوئے گی یا نہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ کیا حائضہ یا نفساء عورت غسل میں فرج خارج اور فرج داخل دونوں دھوئے گی یا نہیں؟شرعی رہنمائی فرمائیں جزاک اللہ خیرا کثیرا
سائلہ:- شیبا فاطمہ کانپور انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ و نصلی علی رسولہ الکریم
 وعلیکم السلام ورحمتہ اللہ وبرکاتہ
الجواب بعونہ تعالیٰ عز وجل
مذکورہ صورت میں حائضہ اورغسل جنابت والی خواتین کو فرج خارج کا دھونا فرض ہے اور فرج داخل کا دھونا فرض نہیں ہے بلکہ مستحب ہے اسی طرح چوٹی اگر اتنی سخت ہو کہ جڑوں تک پانی نہ پہنچے یا ڈھلکی ہوئی پستان ہو تو ہٹا کر نیچے پانی پہنچا ضروری ہے اسی طرح پیٹ کی سلوٹیں یا پیٹ و پستان کا جوڑ کو دھونا فرض ہے 
اسی طرح فرج خارج کے چاروں لبوں کی جیبوں کا دھونا فرض ہے 
جیسا کہ فتوی رضویہ میں امام احمد رضا خان بریلوی رحمت اللہ علیہ فرماتے ہیں کہ 
گندھی چوٹی میں ہر بال کی جڑ تر کرنی، چوٹی کھولنی ضروری نہیں مگر جب ایسی سخت گندھی ہو کہ بے کھولے جڑیں تر نہ ہوں گی۔
ڈھلکی ہوئی پستان اٹھا کر دھونی۔
 پستان وشکم کے جوڑ کی تحریر۔
 فرج خارج کے چاروں لبوں کی جیبیں جڑ تک۔
گوشت پارہ بالاکا ہر پرت کہ کھولے سے کھل سکے گا۔
 گوشت پارہ زیریں کی سطح زیریں۔
اس پارہ کے نیچے کی خالی جگہ غرض فرج خارج کے ہر گوشے پرزے کنج کا خیال لازم ہے ہاں فرج داخل کے اندر انگلی ڈال کر دھونا واجب نہیں، بہتر ہے۔

(بحوالہ فتویٰ رضویہ ج1.2 ص 4)
واللہ اعلم ورسولہ اعلم باالصواب

◆ــــــــــــــــــــ۩۞۩ـــــــــــــــــــــ◆
کتبتہ:- کنیز گلزار ملت قادری شہر کانپور انڈیا
16/01/2024

◆ــــــــــــــــــــ۩۞۩ـــــــــــــــــــــ◆
تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی سوال و جواب ضلع سرہا نیپال
17/1/2024